СУПЕРСТАН: "Мен 7 аял алам, буюрса. Жетөөнөн жетиден балалуу болсом - 49"

SUPER.KG порталынын "Суперстан" бөлүмүндө "2-3 аял алганга кандай карайсыңар, туугандар?" деген тема талкууга алынууда.

Автор: "Азыркы күндө бойдок кыздар, жалгыз бой аялдар көбөйүп кетти. Канчалаган кыздарыбыз кытай, корей сыяктуу дини башкаларга тийип, кээ бири денесин сатып сойкулук кылып жатышат. Ушуларды 2-3-аял кылып алсак кыргыздардын саны көбөйүп, кыргыз аялзатынын маселелери чечилет беле?.."- деп суроо салган.

Темадагы жооптордон:

"Колуңдан келсе ал, 2-3тү бага алсаң, шарият деле жол берет. Канчалаган кыздар кара далы болуп эрсиз жүрүшөт..."

"Аялга өзүнүн күйөөсүн башка аял менен бөлүшүү өтө кыйын".

"Мен 7 аял алам, буюрса. Жетөөнөн жетиден балалуу болсом - 49".

"Айымдар ушунчалык өзүмчүл келебиз, жадакалса күйөөбүздү эч кимге бергибиз келбейт. Чын эле эмнеге беребиз, ал биздин жаныбыздын жарымы болсо? Мен эч кимге бергим келбейт. Эки-үч аялды бага алмак турсун, "экөөң биригип мени бак" деген мырзаларыбыз бар".

"Элестете бергиле, силердин атаңар бир күн сенин үйүңдө, экинчи күнү экинчи аялынын үйүндө, үчүнчү күнү үчүнчү аялынын үйүндө. Ушундай жакса үйлөнө бергиле".

"Аялды ажырашуу үчүн эмес, бактылуу жашаш үчүн, бактылуу кылыш үчүн алыш керек".

Талкууга кошулгуңуз келсе, бул жакка кириңиз.