Ош шаарында эл аралык бизнес жарманкесине 60тан ашык ишкана өз продукциясын алып чыгат

7-8-май күндөрү Ош шаарындагы С.Ибраимов атындагы Кыргыз улуттук драма театрында II Эл аралык бизнес-жарманкеси өтөт. Ага Орусия, Казакстан, Тажикстан жана Кыргыз Республикасынын бардык аймактарынан келген ишкерлер катышат. Бул тууралуу мэриядан кабарлашты.

Маалыматка ылайык, жарманкеде фирма-заводдордон чыккан продукциялар, курулуш материалдары дүң баада сатылып, ата мекендик өндүрүүчүлөрдүн ишмердүүлүгү менен таанышууга жана кеңири маалымат алууга шарт түзүлөт. Жалпысынан 60тан ашуун компания өз продукциясын жарманкеге алып чыгары күтүлүүдө.