СУПЕРСТАН: "Жолдошум экөөбүз сырдашмак түгүл жөнөкөй нерселерди да сүйлөшпөйбүз"

SUPER.KG порталынын "Суперстан" бөлүмүндө "Жубайлардын сырлары" деген тема талкууга алынууда.

Темадагы билдирүүлөрдөн:

"Жолдошумдан эч нерсе жашырбайм, ал дагы жашырбайт го деп ойлойм. Анан кошунага туз берсем сурап бербейм да. Күйөөм менен бир план түзсөк, "ишке ашмайынча эч кимге айтпай тур" десе деле болбой апама айтып салмай адатым бар".

"Жубайлардын ортосунда эч кандай бири-биринен жашыруучу нерсе болбош керек. Кантип бир төшөктө жатышат да, бири-биринен сыр катышат?"

"Аялы менен күйөөсүнүн ортосунда деле болот айтылбаган сырлар. Баарын айта берсе экөө тытыша кетпейби".

"Миң ишенген чакта да ар бир адамдын эч кимге айткыс өзү менен кошо о дүйнөгө алып кетер сыры бар".

"Жубайлардын ортосунда сыр болушу мүмкүн, бирок "левый" жактары гана".

"Башында мен да бардык нерсемди айта берчүмүн. Анан эле кайра мага айткандарымды каршы колдоно баштады. Өз башыңа муш болот деген чын. Азыр эч нерсе айтпайм. Керектүү эле нерселерди сүйлөшөбүз".

"Сырдашмак түгүл жөнөкөй нерселерди да сүйлөшпөйбүз. Бир үйдө жашаган квартиранттардай эле да биздин жашоо. Бала тууралуу гана сүйлөшүп койбосок, калганы мындай күнүмдүк турмуштагы сөздөр".

Талкууга кошулгуңуз келсе, бул жакка кириңиз.