Ала-Бука районунда Улуу Жеңиш майрамы белгиленип жатат

Ала-Бука районунда Улуу Жеңиш майрамы белгиленип жатат. Бул тууралуу Ала-Бука районунун башчысынын орун басары Калчабү Үсөнбаева бүгүн SUPER.KG порталына билдирди.

"Салтанатка согуштун жана ооруктун ардагерлери чакырылган. Алгач конокторго аскердик жашоону эскерткен аскердик тамак-аш тартууланды. Иш-чаранын жүрүшүндө куран окулуп, согуштан кайтпай калган аталар эскерилди. Аталарга таазим кылып Өчпөс отко гүлчамбарлар коюлду. Борбордук аянтта согуш ардагерлерин, район тургундарын аким Сонунбек Акпаралиев куттуктады", - деп билдирет К.Үсөнбаева.

Майрамдык салтанат аскердик жөө жүрүш менен улантылды.

Ала-Бука районунан кан майданга 3421 жоокер аттанган. Алардын ичинен 2305 жоокер согуш учурунда курман болсо, калган 1116 жоокер кайтып келген.

Бүгүнкү күндө Ала-Бука району боюнча 10 согуштун катышуучусу, 15 ооруктун ардагери бар.