Депутат: "Эгер Асылбек Жээнбеков Ак үйдөн үч-төрт бөлмөнү бириктирип ээлеген болсо, бул өтө туура эмес көрүнүш"

"Эгер Жогорку Кеңештин депутаты Асылбек Жээнбеков Ак үйдөн үч-төрт бөлмөнү бириктирип ээлеген болсо, бул өтө туура эмес көрүнүш", - деген пикирин депутат Алмамбет Шыкмаматов SUPER.KG порталына билдирди.

"Жээнбеков бир нече бөлмөнү ээлеп алды" деген маалыматты азыр сизден угуп жатам. Эгер маалымат чын болсо, анда мындай көрүнүш саясий маданияттуулукка да, мыйзамга да жатпайт",- деди Шыкмаматов.

Жогорку Кеңештин басма сөз кызматынын башчысы Ибраим Нуракун уулу SUPER.KG'ге билдиргендей, "Асылбек Жээнбеков Ак үйдөн 3-4 бөлмөнү бириктирип ээлеп алды" деген маалымат чындыкка туура келбейт. "Экс-спикер бир бөлмөсүн тосуп-узатуучу жай, экинчисин эс алуучу бөлмө кылды, өзүнчө даараткана жасады" деген маалымат жалган. Бирок анын 3-кабатка көчкөнү чын. Экс-спикердин бир иш бөлмөсү жана кабыл алуу жайы гана бар", - деп түшүндүрдү И.Нуракун уулу.