Өлкөдө социалдык жөлөк пул алгандардын 78 пайызы мүмкүнчүлүгү чектелген жарандар

Кыргызстанда жөлөк пул алгандардын 78 пайызын ден соолугунун мүмкүнчүлүгү чектелген жарандар түзөт. Бул тууралуу бүгүн, 1-апрелде "КРнын Жөлөк пул тууралуу мыйзамына өзгөртүү жана толуктоо киргизүү" тууралуу мыйзам долбоорун талкуулаган тегерек столдо белгилүү болду. Кыргызстандагы Социалдык-экономикалык изилдөө борборунун маалыматына ылайык, чоңдордун арасындагы майып адамдардын саны жана ата-энесинен ажыраган балдардын саны улам өсүүдө. Мунун негизги себеби иштеп жаткан жердеги шарттын начардыгы, экологиянын таасири жана жакырчылык болууда.