СУПЕРСТАН: "Жолдошума 100 пайыз ишенчү элем, "эркек эки жүздүү болот" деген чын экен..."

SUPER.KG порталынын "Суперстан" бөлүмүндө "Жолдошуңузга ишенесизби?" деген тема талкууга алынууда.

Темадагы билдирүүлөрдөн:

"Мен башта 100 пайыз ишенчү элем. "Эркек эки жүздүү болот" деген чын экен, мынчалык тез өзгөрөт деп ойлобоптурмун".

"Жаңы баш кошкон мезгилде жолдошумду кызганчу эмесмин. Мен аны кызганымыш болуп койсом ага жакканын байкап калгам да, ошондон кийин бир аз кызганымыш болуп койчумун. Кызгануу сезими жок болчу, азыр болсо кечиксе эле ойлорум чар тарапка чачырап кетет".

"Доверяй, но проверяй" дейт го. Эркектер көбүнчө ишенбесе керек аялына, себеби көпчүлүк эркектер "койнуңда жаткан аялың - душманың" деп билишет экен го".

"Эркекке ишенгиче эки босогоңо ишен" деген кеп бар. Анан да жашоонун ачуу-таттуусун көрүп калган эжелерден угуп калам, "Эркектер аябай эки жүздүү болушат, оңой эле жүз үйрүп кетишет. Баягы эле байкуш аялдар кыя албай жүрө беребиз" деп. Билбейм. Ишенем деп айта албайм".

"Ишеничтен чыга турган иш кыла элек, бирок эмнегедир ишенбейм".

Талкууга кошулгуңуз келсе, бул жакка кириңиз.