Грек-рим күрөшү боюнча улуттук курам "Дүйнө кубогу-2016" мелдешине катышпай калды

Грек-рим күрөшү боюнча улуттук курам "Дүйнө кубогу-2016" мелдешине катышпай турган болду. Бул тууралуу аталган спорт түрү боюнча федерациядан кабарлашты.

Белгилүү болгондой, улуттук курам АКШнын Лас-Вегас шаарында өткөн Дүйнө чемпиондугунда командалык эсепте 8-орунду ээлеген. Бул көрсөткүч балбандарыбыздан Ирандын Шираз шаарында өтө турган Дүйнө кубогуна катышуусун шарттамак (алдынкы 8 команда чакырылмак). Бирок Эл аралык күрөш федерациясы алдынкы 8 команданы топтолгон упайлардын негизинде эмес, медалдардын саны боюнча аныктаганын билдирген. Медалдардын саны боюнча улуттук курам 9-орунду ээлеп калган.

Күрөш боюнча (грек-рим күрөшү, эркин күрөш, кыз-келиндер күрөшү) улуттук курам тарыхында Дүйнө кубогуна катышып көргөн эмес.