Кыргызстанда Таиланддын консулдугун ачуу пландалууда

Кыргызстанда Таиланддын консулдугун ачуу пландалууда. Бул маалымат бүгүн, 1-апрелде биринчи вице-премьер-министр Жоомарт Оторбаев менен аталган өлкөнүн Тышкы иштер министри Жуллапон Нонсичай менен жолугушуу учурунда белгилүү болду. Ошондой эле Нонсичай кызматтык дипломатиялык паспорту бар кызматкерлерге визалык режимдин жок болуусу тууралуу долбоор Кыргызстанга жиберилгенин белгиледи. Тараптар эки өлкөнүн ортосунда түз авиакаттамдарды ачуу тууралуу да сүйлөшүүлөрдү жүргүздү.