Интернетте "Элдик парламент" делген уюмдун бийликти басып алуу планы жазылган сүйлөшүүлөрү тарады

Интернетте "Элдик парламенттин" өкүлдөрүнүн сүйлөшүүсү" делинген аудиожазуулар тарады. Бул материалдар 12-майдан 13-майга караган түнү интернетке жүктөлдү. Аудиожазууларда Марат Султанов, Бекболот Талгарбеков, Төрөбай Колубаев делген адамдардын сүйлөшүүсү жазылган. Андагы сүйлөшүүгө катышкан адамдар өкмөттү отставкага кетирип, бийликти алмаштырууну пландап жатышат. Аудиожазууларда "чогулушка 350 миң адам келет", "баарын жайлайбыз", "президентти жана өкмөттү отставкага кетиребиз" деген сөздөр айтылат.

Айта кетсек, оппозициялык "Элдик парламент" биримдигинин лидерлери Бекболот Талгарбеков, Төрөбай Колубаевге жана уюмдун башка өкүлдөрүнө карата кылмыш иши ачылган.