Бишкекте акын, жазуучу Мукай Элебаевдин 110 жылдыгына арналган эскерүү кечеси өткөрүлдү

Бишкек шаарындагы борбордук китепканада кыргыз акыны, жазуучусу, котормочу Мукай Элебаевдин 110 жылдыгына арналган эскерүү кечеси болуп өттү. Бул тууралуу бүгүн, 13-майда шаардык мэриянын басма сөз кызматынан билдиришти.

Маалыматка ылайык, жолугушууга белгилүү акындар Мукан Асаналиев, Төлөгөн Мамиев, жазуучулар, Ж.Баласагын атындагы мамлекеттик университеттин студенттери, №68-мектеп-гимназиясынын окуучулары катышты.

"Жолугушуу окурмандарды китепканага тартуу, кызыктыруу, ошондой эле Мукай Элебаевдин чыгармачылыгы, өмүр баянын таанытуу максатында өткөрүлдү. Жазуучунун элесине арналган көргөзмө уюштурулуп, иш-чаранын коноктору акындын ырларын угуп, кызыккан суроолорун беришти", - деп айтылат маалыматта.