"National Geographic" басылмасынын фотографтары кыргыз жергесинде тарткан сүрөттөр (фото)

"National Geographic" басылмасынын фотографтары 4 күнгө кыргыз жергесине келишип, кооз жерлерди сүрөткө тартышты. Бул тууралуу маалымат аталган журналдын расмий сайтында өлкөбүздүн эң кооз жерлеринин сүрөттөрү менен жарыяланган. Андрей Каменев баш болгон сүрөтчүлөр тобунун эмгектеринде Ысык-Көл, Жети-Өгүз аскаларынын көркөмдүгү жана Түндүк Тянь-Шань тоолорунун кооздуктары чагылдырылган.

“Фотоэкспедициянын алгачкы кадамы Чүй өрөөнүндөгү кызгалдактардан башталды. Ошондой эле Улуу Жибек жолундагы үч багыттын бирөөсүн басып өтүп, байыркы тарых менен кездешүү жана "National Geographic Орусия" журналынын шеф-сүрөтчүсү Андрей Каменевдин кол алдында мыкты кадр жасоо мүмкүнчүлүгү түзүлдү. Кыргыз элинин улуттук кийимдерин кийип, ат үстүндө бүркүт менен аң уулаганы фотографтардын эсинде калган кадр болду”, - деп жазылат маалыматта.

Эскерте кетсек, "National Geographic Орусия" журналынын шеф-сүрөтчүсү Андрей Каменев Улуу Жибек жолу боюнча фототур уюштуруп, өлкөбүзгө 6-10-майларда келип кетишкен.