СУПЕРСТАН: "Жаш келин удаа-удаасы менен үч кесареводон кийин кан кетип көз жумду"

SUPER.KG порталынын "Суперстан" бөлүмүндө "Кесарево жолу менен көз жаргандар барбы?" деген тема талкууга алынды.

Темадагы билдирүүлөрдөн:

"Бойго бүтүүгө маани бериш керек, боло берет дебей. Кесарево менен төрөгөндөр жок дегенде эки жылдан кийин төрөсө болот. Себеби ичтеги жатындын тигиши жана сырткы теринин кесилген жериндеги тигиш ичкерип, курсак чоңойгон сайын көйгөй жаратат. Аялдын өзү да толугу менен калыбына келиш үчүн кеминде үч жыл керек. Жаш келиндер, ден соолукту карагыла. "Кыз төрөмөкмүн" деп жаш келин удаа-удаасы менен үч кесареводон кийин кан кетип көз жумду. Андай эксперимент эч кимге пайда алып келген жок. Артында чиедей үч бала калды. Айтарым, ойлонгула!"

"Бычактын мизи тийген дене баары бир бир күн залалын тийгизет".

"Мен 9 ай бир оорубадым, зыңкылдап жатып эле төрөй албай операция болдум. Болбосо баладан да кол үзмөкмүн, өзүм мындан ары наристе күтө алмак эмесмин. Эң негизгиси - бала".

"Кээ бирөө бактылуу нике бололу деп (төшөктө) кесарево кылышат экен. Өткөндө апасы кызына ачык айтып туруп эле кесарево кылдырды, анткени кыздын күйөөсү перспективдүү адам".

"Мен дагы кесарево болдум, аргасыздык болду окшойт. Жүлүнгө сайган наркоздун зыяныбы, жыл бою эле кыйналып жүрдүм, белим, буттарым талыйт, ооруйт, белим катып калат кыймылдатпай. Төрөтканада кесарово болгондор 5 күн жатса, мен 10 күн жаткам".

Талкууга кошулгуңуз келсе, бул жакка кириңиз.