Жыл башынан бери Ош мэриясына 784 кайрылуу келип түшкөн

2013-жылдын 3 айында Ош шаардык мэриясына 784 кайрылуу келип түшкөн. Бул тууралуу аталган мекеменин басма сөз кызматы билдирет. Белгилей кетсек, турак жай маселеси боюнча 244, жер тилкеси боюнча 134, ошондой эле коммуналдык кызмат жана транспорттук тейлөө боюнча 175 адам кайрылган. Маалыматка ылайык, 2012-жылы Ош шаарынын мэри 2 миңдей жаранды кабыл алган.