Шашылыш билдирүү! Нөшөрлүү жаан-чачынга байланыштуу өлкөнүн көпчүлүк аймактарында сел жүрүүсү күтүлөт

18-майда жана 19-майда түнкүсүн өлкөнүн көпчүлүк аймактарында жаан, айрым аймактарда жаан-чачындын катуу жаашы күтүлөт. 20-майга чейин аба ырайынын туруксуздугуна жана күтүлүп жаткан нөшөрлүү жаан-чачынга байланыштуу өлкөнүн тоолуу жана тоо этектериндеги аймактарында сел жүрүп, дарыялардагы суулардын деңгээли көтөрүлөт.

Өзгөчө кырдаалдар министрлигинен билдиришкендей, айрым аймактарда батыштан соккон шамалдын ылдамдыгы секундасына 17-22 метрге жетиши мүмкүн. Мындан сырткары абанын температурасы да төмөндөйт. Мындай туруксуз аба ырайы айыл чарба иштерин, унаа, энергетика жана коммуналдык кызматтардын ишин жана жайыттарда мал кармоону кыйындатат.