Нарында өспүрүмдү тоноого шектелип жергиликтүү 2 тургун кармалды

Нарында "жатакананын ичинен коркутуу жолу менен өспүрүмдү тоногон" деген шек менен жергиликтүү эки тургун кармалды. Бул тууралуу бүгүн, 19-майда ИИМдин басма сөз кызматынан билдиришти.

Маалым болгондой, милицияга арыз менен Кочкор районунун Кара-Тоо айылындагы жатакананын 46 жаштагы кызматкери кайрылган. Ал 18-майда белгисиз адамдар жатаканада жашаган 17 жаштагы Э.М. аттуу өспүрүмдү коркутуп, анын жеке буюмдарын жана уюлдук телефонун тартып алгандарын билдирген. Жүргүзүлгөн иш-чаралардын натыйжасында аталган кылмышка шектүү катары 18 жаштагы А.И. жана 19 жаштагы О.Ч. аттуу жергиликтүү тургундар кармалган. Учурда иликтөө иштери жүрүүдө.