Кечээ көмөк чордон бузулуп, Бишкектин айрым тургундары электр жарыгысыз калышты

19-майда Бишкектин Ала-Тоо-3, Ак-Ордо конуштарынын керектөөчүлөрү электр энергиясыз калышты. Саат 14:10до электр энергиясынын авариялык өчүрүлүшүнө “Кыргыз Республикасынын улуттук электр тармактары” ачык акционердик коомунун жогорку вольттогу 110/10 кВ "Ак-Ордо" көмөк чордон жабдуусунун бузулушу себеп болгон. Аталган конуштардын электр камсыздоосу 19-майда саат 18:54 калыбына келтирилген.

Ошондой эле 19-майда саат 10:45 Бишкек шаарында “Айни” жогорку вольттогу көмөк чордонунан №217- трансформаторуна чейин тартылган 10 кВ кабель чубалгылары бузулган, натыйжада Псковская, Гагарин, Ахунбаев, Бакаев көчөлөрү менен чектешкен аймак электр энергиясыз калган. Учурда “Түндүк электрдин” борбордук кабель чубалгыларды оңдоо кызматынын эки оперативдүү-чыгуу бригадалары бузулууларды жокко чыгаруу менен алек. Оңдоо иштери түнү бою да жүргүзүлдү. Керектөөчүлөрдүн электр камсыздоосу болжол менен бүгүн саат 10:00гө чейин калыбына келтирилет.