СУПЕРСТАН: "Курбум бирөөгө жини келсе, колундагысы менен чабат, буюмдарды терезеден ыргытып, идиш-аяктарды сындырып кирет"

SUPER.KG порталынын "Суперстан" бөлүмүндө "Жашоодо жинденип, ачууга алдырган күнүңөр же "нервныйлардын" окуялары" деген тема талкууга алынды.

Темадагы билдирүүлөрдөн:

"Жакында эле бир нервди кашайта турган окуяга туш болдум. Адам болгондон кийин жини да болот эмеспи. Азыр карап көрсөң баары эле "нервный". Арасында кыпкызыл жиндилери, психтери жана башкалары кездешет. Заманыбыз ушундай болсо керек деп ойлоп каласың".

"Дос балам бар, кыскача айтканда, псих. Жини бат келип турат, тамашаны көтөрө албаган, урушчаак бала. Кечээ машинасында баратканбыз, анан жолдон МАИ кызматкери токтотуп калды. Түшүп кеткен, бир маалда эле ызы-чуу болуп кетти. Чуркап барсак, токтоткон МАИ кызматкерин жаткыра чаап, экинчиси менен мушташып жатыптыр. Биз барып эле тиги жиндини бүктөп машинага тыгып, анан качтык. Кыскасы, аябай ызы-чуу болуп жатат. Мени жакындарым бүгүн эле чыгарып келишти. Бир досум тиги псих менен соттолгону жатат эми".

"Менин дос кызым да ушундай, бирөөгө жини келсе, колунда эмне турса, ошону менен чабат. Буюмдарды терезеден ыргытып, идиш-аяктарды сындырып кирет".

"Эсимде, МАИ кызматкери менен уруша кеткем. Бир жыл мурун болгон окуя. Чынында, ал өзү биринчи сөгүнө баштаган. Кармаша кеттик. Сөгүп жибергенде башым менен сүзүп салгам. Аябай ызы-чуу болдук. Таякем Чүй прокуратурасынын башчысы да, ошону ортого салып жатып араң бүтүргөнбүз".

Талкууга кошулгуңуз келсе, бул жакка кириңиз.