Бангладеште жер көчкү, катуу шамал жана суу ташкынынан 24 адам каза таап, 500 миң адам коопсуз жайларга көчүрүлдү

Бангладеште жер көчкү, шамал жана суу ташкынынан 24 адам каза тапты. Бул тууралуу бүгүн, 23-майда чет элдик басылмалар жазып чыгышты.

Маалыматка ылайык, кечээ, 22-май күнү Бангладеште ылдамдыгы саатына 88 чакырымга жеткен катуу шамал катталган. Катуу шамалдан улам бак-дарактар кулап, турак үйлөрдүн чатырлары учкан. Электр чубалгылары үзгүлтүккө учураган.

"Жер көчкү жана суу ташкындоонун натыйжасында Читтагонгдо 11 адам, Бхола жана Кокс-Базар округунда 3төн, ал эми Ноакхалиде 2 адам, Патуакхалиде 1 адам каза болгону айтылууда. Бийлик тарабынан 500 миңден ашуун адам коопсуз жайларга көчүрүлгөн", - деп айтылат маалыматта.