Фурхат Үсөнов: "Жыл башынан бери 3 буюртма киши өлтүрүү болду"

Жыл башынан бери 3, ал эми 10 жыл ичинде 69 буюртма киши өлтүрүү фактысы катталды. Бул тууралуу бүгүн,

2-апрелде ЖКнын Мыйзамдуулук, укук тартиби жана кылмыштуулукка каршы күрөшүү боюнча комитетинин жыйынында ИИМдин орун басары Фурхат Үсөнов билдирди. Анын айтымында, уюшкан кылмыштуулукка каршы күрөшүү тууралуу мыйзам долбоорун иштеп чыгуу керек. Мындан сырткары акыркы жылдары кылмыштуулук жашоонун бардык тармактарына аралашып, ал эми кылмыштуу топтор мамлекеттик бийлик органдарына кирүүгө умтулуп жатканын кошумчалады.