"Түндүк электр" ишканасы Бишкек шаарына жаңы жогорку чыңалуудагы үч көмөк чордон курууну пландоодо

Кыргыз Республикасындагы электр энергиясы менен жабдуунун ишенимдүүлүгүн жогорулатуу жана эсеп берүүнү жакшыртуу боюнча инвестициялык долбоорго ылайык, “Түндүк электр” ишканасы Бишкек шаарына жаңы жогорку чыңалуудагы үч көмөк чордондун курулушун орундатууга киришти.

"Орто-Сай" жана "Спорт" көмөк чордондору "Орто-Сай" базары тарапта (3-кичи район) жана Исанов менен Чүй көчөлөрүнүн тилкесине курулмакчы. Ал эми үчүнчү жогорку чыңалуудагы "Бишкек" көмөк чордонунун курулушуна Төрөкул Айтматов менен Салиева, Саратовская көчөлөрүнөн жер тилкеси каралган.

"Бул көмөк чордондун курулушу, Бишкек шаарынын инженердик тармактарын өнүктүрүү башкы планына ылайык, мурунку жүз жылдыктын 90-жылдары эле каралган. Каражаттын жоктугунан ишке ашырылган эмес",- деп айтылат маалыматта.