Ош. Курманжан датка-2 аймактык кеңешинде 3800 адам жер тилкелери боюнча токтомду күтүп, 2010-жылдан бери үй сала албай келет

Ош шаарына караштуу Курманжан датка-2 аймактык кеңешинде 3800 адам жер тилкелери боюнча токтомду 2010-жылдан бери күтүп келет. Бул тууралуу SUPER.KG порталына Ош шаарынын тургуну Зууракан Акирова кабарлады.

Маалыматка ылайык, бул жерлер 2010-жылы басылып алынган. Кийин бул жерлер жетим-жесирлерге, ден соолугунун мүмкүнчүлүгү чектелгендерге бөлүнүп берилген. "Ошол кезде губернатордун алдында атайын комиссия түзүлүп, жерлер боюнча токтом чыгарып бермек болушкан. Бирок ушул күнгө чейин чечим чыкпай келет", - дейт ал.

Зууракан Акирова кошумчалагандай, бул аймактан жер алгандар таш төктүрүп, үй салуу үчүн токтомду күтүп келишет. Бирок жакында төгүлгөн таштар белгисиз бирөөлөр тарабынан жок кылынган.