Эльвира Сариева "окуучулар бүтүрүү кечелерин кафе-ресторандарда белгилей алышпайт" деди

"Акыркы жылдары мектеп окуучуларынын бүтүрүү кечелерин кафе-ресторандарда белгилөөгө тыюу салынып келет. Мындай тыюу быйыл да күчүндө", - деп билдирди билим берүү жана илим министри Эльвира Сариева. Министр мектептерде күндүз окуучулардын майрамдык салтанаты өтүп, Акыркы коңгуроо иш-чарасы ушуну менен токтойт. Мектептен тышкары аймакта оюн-зоок уюштурууга уруксат берилген эмес. Сариева мындай чектөөлөргө карабай окуучулардын кафе-ресторандарда майрам белгилеши, начар иштер менен аяктаган фактылар болуп жатканын моюнга алды.

Парламент жыйынында бүгүн, 26-майда өспүрүмдөрдүн өз жанын кыюу маселеси боюнча өкмөт өкүлдөрү маалымат беришүүдө.