СУПЕРСТАН: "Жаздыкка башым тиери менен эле уктап калам, ойлонгонго да жетишпейм"

SUPER.KG порталынын "Суперстан" бөлүмүндө "Уйкуга чөмүлгүчө эмне же ким жөнүндө ойлоносуңар?" деген тема талкууга алынууда.

Темадагы билдирүүлөрдөн:

"Кээ бири өлкөбүздүн келечегин, байлык, келечектеги турмушу, достору, жакындары жөнүндө ойлонушат. А мен бактылуулук жөнүндө көп ойлоном, кантип бактылуу болсом экен жана кантип бирөөнү бактылуу кылсам экен деген ой күнү-түнү оюмдан кетпейт".

"Акыркы күндөрү жумуш деп жүрүп ойлонгонго да убакыт болбой, жатканда эле уйкуга кете баштадым. Эс алуу күндөрү уйку келбей жатканда алыста жүргөн үчүнбү, ата-энемди, бир туугандарымды, келечек жашоомду ойлонуп жатып тынчып калганымды сезбей калам".

"Жаздыкка башым тиери менен эле уктап калам, ойлонгонго да жетишпейм".

"Мен көп учурда башымдан өткөн бактылуу күндөрдү эстейм. Анан калганын элестетип, өзүмчө эле бактылуу болуп уйкуга кетип калам. Оюмда баары жакшы, баары бактылуу боло калат. Анан жыргап уктап калам. Уктаар алдында көйгөйлөрдү ойлонбогонго аракет кылам".

"Мага ойлонуп, кыялданып жатып уктап калган жагат. Ошондуктан жатарда кол жеткис кыялдарга чөмүлүп уктап калам".

"Ойлонуп жатып уйкум келбей эле, уйкум ачылып кетет. Көбүнчө келечекти ойлоном. Түндө жакшы ойлор пайда болот, аларды телефонума жазып, план түзүп, анан уктайм".

Талкууга кошулгуңуз келсе, бул жакка кириңиз.