ТИМдин дипломатиялык академиясында Конфуций классы ачылат

3-апрелде КРнын Тышкы иштер министрлигинин Казы Дыйканбаев атындагы дипломатиялык академиясында Конфуций классынын ачылыш аземи болот. Бул тууралуу аталган министрликтин басма сөз кызматы билдирет. Иш-чарага Тышкы иштер министри Эрлан Абдылдаев, Кытайдын Кыргызстандагы элчиси Ци Даюй катышмакчы. Бул классты ачуунун максаты - кытай тилин өздөштүрүүгө мүмкүнчүлүк түзүү жана аталган мамлекетке билимин жогорулатып келүү үчүн кыргызстандык студенттерди жөнөтүү болуп саналат. Аталган окуу жайда кытай тилин жакшы өздөштүргөндөргө сертификат берилет.