"Ош" Эл аралык аэропортунун жолундагы арчалар сугарылбай, куурап баратат

Мамлекеттик экологиялык жана техникалык коопсуздук боюнча мамлекеттик инспекциянын Ош шаары боюнча аймактык башкармалыгы "Ош" Эл аралык аэропортунун жолундагы жаш арчалар убагында сугарылбай куурап калгандыгы үчүн №21-жол тейлөө мекемесине (ДЭП-21) айып салды. Бул тууралуу бүгүн, 27-майда инспекциянын басма сөз кызматы билдирди.

Маалыматка караганда, Оштогу аэропортко барчу жолдо вергин түрүндөгү 186 түп арча бар эле. Алар убагында сугарылбай, куурап калган. Натыйжада Кыргыз Республикасынын Өкмөтүнүн 03.05.2013-жылдагы №224-токтомунун негизинде өсүмдүктөргө келтирилген зыяны эсептелип, Ош шаарынын №21-жол тейлөө мекемесине (ДЭП-21) 141 910 сом айып салынды. Аталган материалдар Ош шаардык прокураттурасына өткөрүлүп берилгени маалыматта айтылган.