"Ош базардын" тегерегиндеги жолдордогу соодагерлер көзөмөлдөнөбү?" деген окурманга жооп кайтарылды

"Ош базарындагы" мөмө-жемиш, кийим-кечени арабага салып алып сатып жүргөн соодагерлерди көзөмөлдөө кыйын экенин Бишкек шаарынын Ленин районунун акими Нурдин Тынаев билдирди. Анын айтымында, күнүгө Ленин районунун акимиатынын кызматкерлери "Ош базардын" тегерегиндеги Кулиев менен Киев көчөсүндө араба менен саткан соодагерлерди кубалап турушат.

"Күнүгө эртең менен Ленин районунун акимиатынын экономика бөлүмүнүн кызматкерлери милиция кызматкерлери менен биргеликте "Ош базарында" рейд жүргүзүп турушат. Тилекке каршы, араба сүйрөп жүргөн соодагерлерди көзөмөлдөө кыйын. Анткени бир жерден башка жерге которулуп, качып турушат", - дейт Ленин районунун акими.

Эскерте кетсек, окурман "Ош базардын" жолундагы соодагерлерди бирөө-жарым көзөмөлдөйбү?" деген суроо салган.