1994-жылкы үлгүдөгү паспорттор 2016-жылдын 1-сентябрынан баштап жараксыз болот

Кыргыз Республикасынын Мамлекеттик каттоо кызматы өкмөттүн "1994-жылкы үлгүдөгү паспортторун 2016-жылдын 1-сентябрынан баштап жараксыз кылуу" тууралуу токтомунун долбоорун иштеп чыкканы жатат. Бул тууралуу аталган кызмат бүгүн, 30-майда билдирди.

Бул демилге ушул күздө өлкөнүн бардык аймагында өтө турган шаардык жана жергиликтүү кеңештерге депутаттарды шайлоого байланышкан. Шайлоо мыйзамындагы акыркы өзгөрүүлөрүгө ылайык, шайлоого ID-картасы барлар жана биометрикалык каттоодон өткөндөр гана катыша алышат. 27-мартта жана 15-майда өткөн шайлоодо 1994-жылкы паспорттору бар 500дөн ашуун жаран шайлоого киргизилген эмес. Учурда өлкө боюнча 1994-жылкы паспортторго болжол менен 10 миңдей жаран ээ. Эл аралык жарандык авиация уюмунун талаптарына ылайык, бул паспорттор менен 2015-жылдын 24-ноябрынан тарта чет өлкөлөргө учууга мүмкүн эмес.

Мамлекеттик каттоо кызматы 1994-жылкы үлгүдөгү паспортторго ээ болгон 60 жаштагы жарандарга паспортторго бекер алмаштырып берүүнү улантууда. Ал үчүн алар каттоосу боюнча паспорттук бөлүмдөргө кайрылышы зарыл.