Бишкекте 13 жаштагы кыздар интимдик кызмат көрсөткөн фактылар бар

Бүгүн, 31-майда Балдарды коргоо күнүнө карата "Балдарды сатуу - коомчулуктун көйгөйү" аталышындагы тегерек столдо Бишкекте 13 жаштагы кыздардын интимдик кызматын көрсөткөн фактылар катталганын Ички иштер министрлигинин Кылмыш иликтөө башкы башкармалыгынын башчысы Саламат Адылов билдирди.

"Кызын окутуу үчүн Бишкекте жашаган курбусуна телефон чалып жардам сураса, кийин ал аял кызды сойкулукка тартканы белгилүү болгон. Ал сойкулук менен бир жыл алектенген. Бишкекте 13 жаштагы кыздар да интимдик кызматын көрсөткөн фактылар бар. Алардын көбү үлгүлүү үй-бүлөлөрдөн болуп, өз жанын кыюу менен коркутушкандыктан, кылмыш иштери козголгон эмес. Биз болгону профилактикалык сүйлөшүүлөрдү жүргүзүп, коё берүүгө аргасыз болгонбуз", - дейт Адылов.