Супер-Инфо
super.kg видео
ЖЫЛНААМА, 31-МАЙ: Кыргыз Республикасындагы эң көп нускалуу "Супер-Инфо" гезити 14 жашка толду
14 жыл мурун, тактап айтканда, 2002-жылы 31-майда Кыргыз Республикасындагы эң көп нускалуу "Супер-Инфо" гезитинин алгачкы саны жарык көргөн. Гезит ал кезде сканворд, баш катырмаларга басым жасап, маалыматты өтө аз камтыган. Убакыттын өтүшү менен гезит улам жаңыланып, пайдалуу, кызыктуу, заманбап жаңылыктар менен толукталып отурган. Көңүл ачуучу, маанайшат багытка басым жасап, кыргыз шоу-бизнесинин жаңы тепкичке көтөрүлүшүнө салым кошкон. Гезит түстүү жана сапаттуу басылмага айланып, шоу-бизнестен тышкары коомдогу көйгөйлүү, актуалдуу маселелерге кеңири орун бере баштаган. Ошентип, "өлкөдөгү номур биринчи гезит" атагына ээ болгон.
Маданият, маалымат жана туризм министрлигинин кыргыз өлкөсүнүн аймагына таркатылган басылмалардын нускасы боюнча жүргүзгөн анализи менен "Супер-Инфо" гезити 2013-жылдын алдынкы 25 гезитинин 1-катарына чыккан. Өлкөнүн көпчүлүк гезиттери басылып чыгуучу "Учкун", "ММКларды колдоо борбору" жана "Рубикон" басмаканаларынын маалыматына ылайык, 200дөн ашуун басылмалар нускасы боюнча изилденип чыккан. Маданият, маалымат жана туризм министрлиги "Супер-Инфо" гезитинин өлкөнүн кыргыз тилдүү жана көңүл ачуучу гезиттеринин арасында да 1-орунду ээлегенин белгилеген. Ошондой эле 2013-жылдын аягында "Супер-Инфо" гезити нускасын 120 миңден ашыруу менен өз рекордун жаңылаган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:37
2025-06-30
Рейтинг: 
0
0
Супер туулган күн жакшы өтсүн !
Супер инфодон жалан Гана жакшы жанылыктарды окуп туралы