Эл аралык футбол федерациясынын жаңы рейтингинде улуттук курам 111-орунду ээледи

Бүгүн, 2-июнда Эл аралык футбол федерациясынын рейтинги жаңыланды. Анда 209 кураманын ичинен кыргыз өлкөсүнүн улуттук курамасы 11 орун артка жылып, 111-орунду ээледи. Май айындагы рейтингде улуттук курам 100-орунду ээлеген.

Федерациянын расмий сайты кабарлагандай, Александр Крестининдин командасынын эсебинде 313 упай бар. Ал эми Азиянын командаларынын ичинен улуттук курам 15-орунду ээлеп турат.

Кошумчалай кетсек, Дүйнө чемпиондугунун тандоо турунан кийин улуттук курам расмий беттеш өткөргөн эмес. Алгачкы жолдоштук беттеш 7-июнга пландалган. Анда улуттук курам Иран менен беттешет.

Рейтингдин алдынкы сабында Аргентина, Бельгия, Колумбия, Германия жана Чили курамалары бар.