Бишкекте муз бийи боюнча эл аралык мелдеш өтүүдө

2-апрелде Бишкек шаарында муз бийи боюнча эл аралык мелдеш башталган. Бүгүн, 3-апрелде 7-8 жаштагы муз бийчилери өз өнөрлөрүн тартуулашты. Мелдешке Кыргызстан, Казакстан, Өзбекстан, Япония, Түркия мамлекеттеринен келген муз бийчилери катышууда. Ал эми калыстар тобу бийлөө ыкмаларына, кыймыл-аракетине, даярдыгына карап баалашууда. Мелдештин жыйынтыгы 5-апрелде болот. Муз үстүндө чимириле бийлеген жаш балдарга жана кыздарга көрүүчүлөр таттууларды жана жумшак оюнчуктарды берип кубантышууда.