Бишкекте жаш урологдор үчүн саммит өтөт

Бүгүн, 4-апрелде Бишкекте жаш урологдор үчүн биринчи Борбор Азиялык саммиттин ачылышы болот. Бул тууралуу Саламаттыкты сактоо министрлигинин басма сөз кызматы билдирет. Саммите онкоурология, андрология жана урология багытындагы заманбап жетишкендиктер, ошондой эле актуалдуу көйгөйлөр талкууга алынат. Мындан сырткары жаш дарыгерлердин билимин жогорулатуу маселеси каралат. Маалыматка ылайык, бул жаатта кыргызстандык 14 адис Бүткүл дүйнөлүк урологдор ассоциациясынын мүчөлөрү болуп саналат. Алардын ичинен 6 адис Европа ассоциациясынын мүчөлүгүндө катталуу.