"Миң-Куш шаарчасындагы 23 үй-бүлөнү башка жакка көчүрүү зарыл",- деди Дамира Ниязалиева

Бүгүн, 4-апрелдеги ЖКнын жыйынында депутат Дамира Ниязалиева Нарын шаарында мектептердин жана ооруканалардын электр жарыгы өчүрүлүп жатканын айтып нааразычылык билдирди. Ошондой эле эл өкүлү Миң-Куш шаарчасында 23 үй-бүлө радиациялык басымдын алдында жашап келишкенин айтып, ал жердеги тургундарды башка жакка көчүрүү керектигин баса белгиледи. “Нарын облусу өкмөттүн көмөгүнө муктаж, ал облуста жер көчкү да жүрүп, электр жарыгы өчүп калган, бул облустун көйгөйлөрүн чечип берип коюуңуздарды өтүнөм”,- деди эл өкүлү.