Электрондук паспорттун баасы 300 сомго жакын болот

Кыргыз Республикасынын жаранынын электрондук паспортунун баасы болжол менен 300 сомго барабар болот. Бул тууралуу бүгүн, 10-июнда Жогорку Кеңештин "Республика-Ата Журт" фракциясынын көчмө жыйынында Мамлекеттик каттоо кызматынын башчысы Тайырбек Сарпашев билдирди.

Анын айтымында, электрондук паспорттор 2016-жылдын сентябрь айынын соңунан тарта берилери күтүлүүдө. Сарпашевдин орун басары Дастан Догоев электрондук паспорттун бетинде төмөнкү маалыматтар белгиленерин айтты:

1) жарандын аты-жөнү

2) төрөлгөн датасы

3) жынысы

4) документтин номери

5) паспорттун жарактуу мөөнөтү

6) жарандын колу

Ал эми электрондук паспорттун арткы бетинде төмөнкү маалыматтар белгиленмекчи:

1) туулган жери

2) жеке номери

3) документти берген мекеме

4) жеке номеринин штрих-коду

5) документтин чиби