СУПЕРСТАН: "Чачты майлуулуктан же өтө кургактыктан сактап туруу керек"

SUPER.KG порталынын "Суперстан" бөлүмүндө "Чачты кантип өстүрсө болот?" деген тема талкууга алынды.

Темадагы билдирүүлөрдөн:

"Менин чачым белимден ылдый болчу. 2-классымдан бери өстүргөм. Башым ооруп оорлошо бергенинен бир аз кыскартайын дегем, бирок жакшы эле кыркып салыптыр. Эми кандай жолдор менен кайра өстүрсөм болот? Кеӊешиңерди күтөм".

"16-кылымда орус эли кадимки чалкандын суусун чачка пайдаланчу экен. 1 аш кашык кургатылган чөпкө кайнак суу куюп, караӊгы жайга 1 саат коюп, кийин сүзүп алат. Аны чачтын түбүнө улам сүртүп турат, бирок сүлгү менен кургатпайт, сиӊип кетиши керек. Бул чачтын түбүн бекитет, өстүрөт жана какачын жоготот. Кастор майы дагы өскөнгө жардам берет, аны дарыканадан сатып алса болот".

"Өз эне жана өгөй эне чөбүнүн (мать и мачеха) кайнатмасы дагы чач өстүрүүдө абдан жакшы натыйжа берет".

"Организмдин өсүшүнө карап чач да өсө берет. Ал эмне картошкабы чаап, сугарып, отоп тургудай? Жөн гана туура өсүшүнө кам көрүү керек. Чачты майлуулуктан же өтө кургактыктан сактап туруу кажет. Көп боёбой, жылуу сууга убагында жууп туруу керек, кээде өтө ысык же муздагыраак суу чач терисин бузуп салышы мүмкүн. Жогорудагылар айткандай, чалкан - чач үчүн эӊ пайдалуу азык. Эки жумада бир жолу уксус кошулган сууга да чайкаса, чачты жумшартып, жалтыратып коёт".

"Кээде витаминдерди да ичип турса болот, аялдар үчүн атайын бир гана чачтын өсүшүнүн сапатын жакшыртпастан, жүз терисине, тырмактарына да пайдалуу. Муну мен медициналык көз карашта айтып койдум".

Талкууга кошулгуңуз келсе, бул жакка кириңиз.