Кыргыз мигрантынын кулчулукка кабылганын тактай бетине жазып, жардам сурап кайрылганы тамаша экени аныкталды

Маалыматка ылайык, буга чейин тактай бетине жазылган "кулчулука кабылдым, жардам бергиле, акчам жок, кул болуп жүрөм" деген жазуу интернеттеги социалдык тармактарда жарыяланып, чоң талкуу жаратып келген. Ички иштер министрлигинин Орусиядагы өкүлү Аскат Алиев тарабынан такталып, жөнсүз тамаша экени белгилүү болду.

"Тактага аты жазылган Турдубек Кубанычбековдун достору курулуш тактасына "кулчулукка кабылдым, жардам бергиле" деп жазып, Томск шаарынын уюлдук байланыш номеринин кодун жазып койгон. Ал тактай курулуш материалын саткан унаалар аркылуу Кыргыз Республикасынын базарына алынып келингени белгилүү болгон. Иликтөө иштеринин алкагында тамашага салган балдар табылып, түшүндүрүү иштери жүргүзүлдү", - деп кошумчалады басма сөз кызматы.