Евро-2016: "Исландиянын футболчулары 90 мүнөт коргонууда ойноп, 1 упайга Европа чемпиону болгондой кубанышты" дейт Криштиану Роналду

15-июнга караган түнү Франциядагы Европа чемпиондугунда Португалия курамасы менен Исландия беттешти. Командалар 1:1 эсебинде тең ойноп, бирден упайга ээ болушту.

Оюн тууралуу Португалия курамасынын капитаны жана лидери Криштиану Роналду ой бөлүшүп, атаандаштын коргонууда ойногонун баса белгиледи.

"Бул оюнда биз жеңип чыгышыбыз керек эле, бирок атаандаш 90 мүнөт бою коргонууда ойноду. Жыйынтыгында алар 2 мүмкүнчүлүктүн биринде гол жаратып, тең чыгууну камсыздашты. Мындай учурда жеңишке жетишүү өтө кыйын. Биз 3 упай алышыбыз керек болчу, эми ага кайрылуунун кажети жок. Исландиялыктар Португалия менен тең чыгып, Европа чемпиону болгондой эле кубанышты", - дейт футболчу.

Буга катар футболчу Исландиянын коргонууда ойногону команданын жетишпеген жактары бар экенинен кабар берерин, команда алдына эч кандай максат койбогонун айтып өттү.