"Биз Ташиев менен катар Кожоналиевдин камалышына каршыбыз" дешет "Солто Ай-Тамга" уюмунун өкүлдөрү

"3-октябрда Ак үйдүн алдындагы митингде Камчыбек Ташиев элди Ак үйдү басып алууга чакырганда Садыр Жапаров менен Кубатбек Кожоналиев митингчилерди токтотууга аракет кылган" деп билдиришти бүгүн маалымат-жыйын өткөргөн "Солто Ай-Тамга" коомдук уюмунун өкүлдөрү. Алар митингде модераторлук кылган Кубатбек Кожоналиевдин террорчу катары сүрөттөлүп, камалышына макул эмес. Алардын айтымында, Кожоналиевдин Ак үйдү басып алуу тууралуу ою болгон эмес. Митингде модераторлук ишин бүтүргөн соң үйүнө кеткен.