Супер-Инфо
super.kg видео
ЭЛДИК КАБАР: "Сөзсүз бирөө өлгөндө карашабы?" деп Коңур-Өлөң айылындагы чабандар нааразы болушууда
Ысык-Көл облусундагы Тоң районунун Коңур-Өлөң айылында суунун деңгээли көтөрүлүп, айылга каттоочу жолду жеп кетти. Бул тууралуу SUPER.KG порталына WhatsApp аркылуу бүгүн, 16-июнда кабарлады.
"Тоң районунун Коңур-Өлөң айылында суунун деңгээли көтөрүлүп, 6-кашарды каптап, айылга каттоочу жолун жеп, адам жашоосуна коркунуч жаратууда. Өткөн жылы Өзгөчө кырдаалдар министрлигинен бузук экскаватор берилип, ал иштебей, тонналаган майларын сатып, "иштедик" деп отчёт берип, алдап кетишкен. Көзөмөл кылып коюшса болмок, министрлик жактан. 18 чабан айыл менен катташа албай калды. Катуу жааган жамгырга карабай эл көйгөйлөрүн айталы деп турган. Өзгөчө кырдаалдар министринин орун басары кошуна айылга чейин келип, бизге келбей кетип калды. "Сөзсүз бирөө өлгөндө карашабы?" деген эл нааразы болуп тарап кетти. Ошол кашарлардын айланасындагы 400 гектар жайыт жерди кум чайкап, жарабай калды", - дейт окурман.
Ошол эле айылдын көпүрөсү коркунучтуу абалда турганын кошумчалады.
"Бул районго каттоочу жолубуздагы көпүрө да ошол суунун кесепетинен араң турат. Жол эксплуатациялоо мекемесине кайрылсак, "терпимо" деп кетип калды", - деди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
1
1 |