3 жыл ичинде кыргыз жарандары 2942 баланы асырап алышты

3 жыл ичинде кыргыз жарандары 2942 баланы асырап алышты. Бул тууралуу Эмгек жана социалдык өнүктүрүү министрлигинин басма сөз кызматы бүгүн, 16-июнда кабарлады.

"Эл аралык бала асыроого 55 бала өткөрүлдү. Алардын 14ү 2008-жылы асыроого тыюу салынган кезде кайтарылган балдар. Министрлик мүмкүн болгон коррупциялык тобокелдиктерди жокко чыгарды. Себеби эл аралык бала асыроо менен алектенген чет элдик уюмдарды аккредитациялоодо мамлекеттик органдардын жоопкерчилиги жогорулады. Эми аккредитация жоопкерчилигин ИИМ, ТИМ, УКМК жана Эмгек жана социалдык өнүктүрүү министрлигинин жетекчилери алышты. Ал эми асыроо чечимин сот гана чыгарат", - деп айтылат маалыматта.

Маалыматка ылайык, учурда кыргыз өлкөсүндө эл аралык бала асыроо менен алектенген 12 уюм катталган. Алар АКШ, Германия, Швеция, Финляндия, Нидерланды өлкөлөрүнөн. 6 уюм аккредитациядан өткөрүлгөн эмес.