Мык жана жип колдонулуп тактайга түшүрүлгөн Чыңгыз Айтматовдун портретинин аукциондогу баштапкы баасы 300 миң сом болот

Өнөрпоз кыргыз жигиттеринин бири Азамат Жаналиев жакында залкар жазуучу Чыңгыз Айтматовдун портретин мык жана жип колдонуп тактай бетине түшүргөн. Автор бул эмгекти аукционго коюу чечимин кабыл алды. Бул тууралуу А.Жаналиев SUPER.KG порталына кабарлады.

Анын айтымында, учурда портрет Бишкектеги ресторандардын бириндеги сүрөт галереясында турат. Портретти өнөр адамдары көрүп, аукциондогу баштапкы баасына кызыгышкан. "Мен башта сүрөттү 88 миң сомго сатууну пландап жаткам. Адистер келип, портретке жогорку баа беришип, баштапкы бааны 300 миң сом кылууну сунуш кылышты. Мен макул болдум. Учурда аукционго катыша тургандардын тизмесин тактоо, толуктоо иштери менен алек болуп жатабыз", - дейт А.Жаналиев.

Кошумчалай кетсек, аукционду 26-июнда өткөрүү пландалууда. Анын жүрүшүнө залкар жазуучунун санаалаштары, жакындары да күбө болушат.