Евро-2016: Бүгүн Португалия курамасы Австрия менен, Бельгия курамасы Ирландия менен беттешет (анонс)

Бүгүн, 18-июнда Франциядагы Европа чемпиондугунда 2-тур оюндары жыйынтыкталат. Жыйынтыктоочу оюндар "E" жана "F" тайпаларында орун алмакчы.

Бул күнү 1-турда Италияга уттуруп жиберген Бельгия курамасы Ирландия менен беттешип, алгачкы упайларына ээ болуу аракетин көрөт. Ал эми "F" тайпасында башта тайпадагы эң күчтүү курамалар деп эсептелинген Австрия курамасы менен Португалия беттешет. Күйөрмандар 3 упай үчүн кыл чайнашкан тирешти дал ушул оюнда көрмөкчү. Себеби Португалия курамасы алгачкы оюнунда Исландия менен тең ойноп (1:1 эсебинде), 1 гана упайга ээ болгон. Ал эми Австрия демилгени колго алып, канчалык жан үрөгөнүнө карабай Венгрияга жеңилген (2:0 эсебинде).

Ошондой эле алгачкы беттеште тайпадагы фавориттерден упай алып алган Венгрия жана Исландия курамасы кезектеги упайларга ээ болуу үчүн майданга чыгышат.

"E" тайпасы, 2-тур

БЕЛЬГИЯ-ИРЛАНДИЯ
Бордо шаары. "Стад-де-Бордо" стадиону
Калыс: Гүнейт Чакыр (Түркия)
Башталышы: 19:00 (Бишкек сааты боюнча)

"F" тайпасы, 2-тур

ИСЛАНДИЯ-ВЕНГРИЯ
Марсель шаары. "Велодром" стадиону
Калыс: Сергей Карасев (Орусия)
Башталышы: 22:00 (Бишкек сааты боюнча)

"F" тайпасы, 2-й тур.

ПОРТУГАЛИЯ-АВСТРИЯ

Париж шаары. "Парк де Пренс" стадиону
Калыс: Никола Риццоли (Италия)
Башталышы: 01:00 (Бишкек сааты боюнча)