Орусиялык "Forbes" Бостери курорттук аймагын эс алууга мыкты жерлердин тизмесинде 2-орунга койду

Орусиялык "Forbes" журналы 18-июнда Египет жана Түркиянын ордуна дагы башка кайсы шаарларга эс алууга барууга мүмкүн экенин жазып чыккан. Анда Ысык-Көл облусундагы Бостери айылына эс алууга мыкты жерлердин тизмесинде 2-орун ыйгарылган.

"Бул жайда орусиялыктар Синай жана Түркияга бара алышпайт. Бирок дүйнөдөгү башка да жерлерде деңиз жээгинде, күндүн алдында, экскурсиялар менен эс алууга болот", - деп башталат макала. "Бостери - Ысык-Көлдүн жээгинде жайгашкан курорттук аймак. Ал "кыргыз Байкалы" болуп эсептелет. Бишкекке чейин учак менен, андан ары такси, автобус же маршруттук такси менен жетүүгө болот. Бостериде мейманканалар, пансионаттар жетиштүү санда. Ысык-Көл - ден соолуктун булагы, себеби минералдык сууларга, дарылоочу баткакка бай. Жадатма пансионаттарга караганда Бостериде ар кимдин табитине жараша сунуштар көп: тоолорго экскурсия, трекинг, альпинизм, көлдү кеме менен кыдыруу", - деп жазылат макалада.

Мындан сырткары эс алууга кетчү төлөм акылары да жазылган. Тизмеде биринчи орунду Азербайжандын курорттору ээлеген. Ал эми калган 8 орунда Болгария, Черногория, Кытай, Греция, Португалия, Франция, Италия турат.