СУПЕРСТАН: "Көчөдөн атактуу адамды көрүп, бирок уялганыңардан жанына бара албаган учур болду беле?"

SUPER.KG порталынын "Суперстан" бөлүмүндө "Көчөдөн атактуу адамды көрүп, бирок уялганыңардан жанына бара албай калган убакыт болду беле?" деген тема талкууга алынууда.

Темадагы билдирүүлөрдөн:

"Борбор калаабыздын соода түйүндөрүнүн биринде жүрүп ырчы жигит Мирбек Иманбековду көрүп калдым. Мен анын чыгармачылыгын өтө баалайм, мектепте окуп жүргөн кезден бери кумир тутуп жакшы көрөм. Мен аны көргөнү жанына барып, учурашып, сүрөткө түшкүм келди, бирок уялып бара албай койдум".

"Анда мен кичинекей элем. Эмил Балтагулов "Ичпечи, апа" ыры менен аябай белгилүү болуп жаткан кезде жубайы менен турганын көрүп калдым. Жашоодо башкача жылдыздуу экен. Жубайы да татынакай экен. Эжем экөөбүз көрүп, аябай сүйүнгөнбүз. Биз да жанына бара алган эмеспиз".

"Министрдин кызынын махабаты" деген кинодогу Жоробекти көргөм. Уялган эмесмин, "кол тамга бериңиз" деп бир кагаз бергем. Үндөбөй эле кол коюп колума карматып койгон... Жанына туруп сүрөткө да түшүп алгам".

"Тынар Курбаналиевди көрүп, аны менен бирге сүрөткө түшкөм. "Гүлжигит Сатыбековду көрсөм арманым жок эле" деп салонго кирсем, ал да кирип калган экен. Көрүп сүйүнүп кетип кучактап алгам, бирок өзүм уялып кеткем. Ал сүрөткө түшпөй койгон".

"Бегимай Эсенгулова биздин мектепте окуйт эле. Кичинекей кезимде кол тамга алып калгам".

Талкууга кошулгуңуз келсе, бул жакка кириңиз.