Бишкекте “Ийгиликтүү ишкер - күчтүү өлкө” көргөзмө-форуму болот

23-апрелде Бишкектеги “Жаннат” мейманканасында “Ийгиликтүү ишкер - күчтүү өлкө” көргөзмө-форуму болот. Жаш ишкерлер ассоциациясы (ЖИА) уюштуруп жаткан иш-чаранын башкы максаты - өлкөбүздөгү жаш ишкерлердин башын бириктирип, учурдагы ишкердикке тоскоол болуп жаткан  көйгөйлөрдү талкуулоо. Аталган иш-чарага тиешелүү мамлекеттик мекемелердин, эл аралык уюмдардын, өлкөбүздүн бардык регионундагы бизнес коомчулуктун өкүлдөрү жана эксперттер катышат. Ошондой эле форумдун  алкагында ЖИАнын мүчөлөрүнүн продукциясын  жана сунуштаган кызматтарын таанытуу көргөзмөсү өткөрүлөт.