СУПЕРСТАН: "Буттары жоон аялдардан баатырлар төрөлөт"

SUPER.KG порталынын "Суперстан" бөлүмүндө "Дене түзүлүшүңүз 90-60-90 болууну эңсеп жүрдүңүз беле?" деген тема талкууга алынууда.

Темадагы билдирүүлөр:

"Аялзаты эркектерден айырмаланып назик, сулуу болуш керек. Сулуулук дегенге ички да, сырткы да сулуулук кирет. Экөө бири-бирине тең болгондо абдан эле жакшы. Ошол сырткы сулуулуктун эң негизгиси келбет, тулку бой болуп саналат. Эзелтеден элибизде "кымча бел", "ак куу моюн", "суйкайган кыргыз кызы" деп бекеринен айтылып келбесе керек. Сулуулуктун эң башкысы - Кудайым берген тулку бойду көргөндө суктанарлык, суктанбаса көзгө жылуу кылып көрсөтүүнүн бирден-бир жолу - денедеги ашыкча майдан сактануу".

"Мага арык кыздар жакпайт. Жанында баскандан коркосуң, шамал болсо, качан кулап түшөт деп ойлой бересиң... Өтө толук болсо да болбойт, качан мени баса калат деп коркомун. Орточосу сонун болот".

"Мен аябай эле арыкмын, 90-60-90 менин кыялым эле болбосо, ага жетиш кайда деп жүрөм. Бирок, эң башкысы, ички дүйнө сулуу болуш керек го деп ойлойм".

"Кыздардын арык эле болуп жүргөнү жакшы. Менин тулку боюм орточо, ичим эле чыгып турат, тамак ичкенде өтө эле чыгып калат. Курсакты киргизчү диета барбы?"

"Мен быйыл кышы менен эмне жегеним белгисиз, толуп кетиптирмин. Эски шымдарга секирип араң кирмей, кирген соң демди акырын алмай. Бирок баары бир ыңгайсыз боло берет экенсиң. Ошондуктан фитнеске бармай болдум. Сулуулук бирөөлөр үчүн эмес, өзүң үчүн экен".

"Менин буттарым жоон. Арыктап өлгөнү жатсам деле буттарым арыктабайт. Бирок буттары жоон аялдардан баатырлар төрөлөт. Чыңгыз хан да аялдардын буттары жоондорун тандап алган экен".

Талкууга кошулгуңуз келсе, бул жакка кириңиз.