Супер-Инфо
super.kg видео
ЭЛДИК КАБАР: Сузакта авариялык абалдагы мектептин бүтүрүүчүсү жалпы республикалык тестирлөөдө 192 балл топтоду
Жалал-Абад облусуна караштуу Сузак районунун Сафаровка айылындагы Шамши Базарбаев атындагы мектептин авариялык абалда экени белгилүү. Бул мектепте акыркы окуу жылында 315 окуучу билим алды. Алар 8-9-10-11-класстын окуучулары. Ал эми калган класстардын окуучулары (153) коңшу айылга каттап окушат.
Окурман Whatsapp аркылуу SUPER.KG порталына бул мектеп быйыл ийгилик жаратканын айтып берди. Бул мектептин 13 бүтүрүүчүсү быйыл жалпы республикалык тестирлөөгө катышып, алардын 10унун көрсөткүчү 110 баллдан ашты. Орто мектептин бүтүрүүчүсү Эльмара Исламбекова 192 баллга ээ болуп, Сузак району боюнча 1-орунду камсыздады. "Сузак району боюнча 114 жалпы билим берүүчү орто мектептен 3 миңге жакын окуучу сынакка катышкан", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
Келечегин кен болсун
Мен да убагында Жогорку бал алып бекер окуганмын билимдуунун келечеги дайым ачык