Евро-2016: Антуан Гризманн беттеш тагдырын 3 мүнөттө чечип, эсепте артта калып жаткан Францияны чейрек финалга алып чыкты

Франция курамасы Европа чемпиондугунун жарым чейрек финалында Ирландия курамасын утуп, чейрек финалга жолдомо алды. Лион шаарындагы "Стад де Люмьер" стадионундагы беттеште 2:1 эсеби катталды.

Беттештин 2-мүнөтүндө Роберт Брэйди эсепти ачып, ирландиялыктарды алдыга алып чыкты. Бул көрүнүштөн кийин француз футболчулары демилгени колго алышканы менен, алгачкы таймда башка гол жаралган жок. 57-мүнөттө жана 61-мүнөттө Антуан Гризманн эки ирет айырмаланып, 4 мүнөт ичинде оюндагы артыкчылыкты өз командасы тарапка которду. 66-мүнөттө ирландиялыктардан Шейн Даффи кызыл айып кагазын алып, команда 10 футболчу менен оюнду бүтүрдү. Жыйынтыгында Ирландия курамасы мелдештен четтеп калды. Франция курамасы чейрек финалда 3-июлда Англия-Исландия командаларынын жеңүүчүсү менен ойномокчу.