Ноокат шаарына быйыл 6 жол чырак орнотулат

Быйыл Ош облусундагы Ноокат районунун борборуна 6 жол чырак орнотулат. Бул тууралуу Ош шаардык мэриясынын кызматкери Газипа Жолдубаева билдирди. Айтымында, бул демилге шаардык бийлик жана ЮСАИД уюмунун өткөөл мезгилдеги демилгелер программасынын алкагында ишке ашырылат. Жол чырактарды орнотуу үчүн 6 миллион 782 миң сом каралып, анын 2 миллионун шаардык бийлик бөлүп берип жатат. Негизги жол белгиси болгон жол чырактар орнотулса, унаа кырсыктарынын санын кыскартууга жол ачыла турганын айтат Жолдубаева.